Hata Tutur Di Batak Angkola

Copas

Sian berbagai sumber di Medsos dan ada tambahan + edit.

HATA TUTUR DI BATAK ANGKOLA

Assalamualaikum warohmatullohi wabarokatuh

A. PARTUTURAN DI NA SAMARGA

• Iba : Au

• Parsinuan :  Aya, Amang, Amangniba

• Pangintubu : Inang, Inangniba

• Abang ni Amang niba : Amangtua

• Dongan Sabagas ni Amangtua niba : Inangtua

• Anggi ni Amang niba : Amanguda

• Dongan Sabagas ni Amang uda niba : Inanguda

• Anak siakkaan ni Amang niba naparjolo tubu sian iba : Abang

• Dongan Sabagas ni Abang niba : Angkang

• Anak ni Amang niba naumpudi tubu sian iba : Anggi

• Dongan Sabagas ni Anggi niba : Halakanggi.

• Anak ni Amangtua niba : Abang

• Dongan Sabagas ni anak ni Amangtua niba : Angkang

• Anak ni Amang uda niba : Anggi

• Dongan Sabagas ni anak ni Amang uda niba : Halakanggi

B. PARTUTURAN TU POMPARAN NI BORU

• Boru ni Amang/Amang tua/Amang uda : Iboto/Ito

• Dongan Sabagas ni Iboto : Lae

• Anak/Boru ni Iboto : Bere/Babere

• Iboto ni Amang/Amang tua/Amang uda : Namboru/Bou

• Dongan Sabagas ni Namboru : Amangboru

• Anak ni Namboru : Lae

• Dongan Sabagas ni Lae (Parumaen ni Namboru : Iboto/Ito (jadi boru ni Amang niba, bope boru ni halak na asing)

• Boru ni Namboru : Pahoppu

• Dongan Sabagas ni Boru ni Namboru : Pahoppu

• Anak /boru ni anak dohot boru ni Namboru : Bere/Babere

C. PARTUTURAN SIAN INANG

• Iboto ni Inang /Inang tua/Inang uda : Tulang(Tunggane ni Amang)

• Dongan Sabagas ni Tulang niba : Nantulang

• Anak ni Tulang : Tunggane /Oppung

• Dongan Sabagas ni Tunggane : Halakbayo (pangalaho dohot panghata an tu son songon na tu na mar-Halakanggi )

• Boru ni Tulang : Boru Tulang (Angkang sanga Anggi do anggo pamioan na, margantung tu umurna)

• Anak ni Tunggane : Tulang (Tulang poso), Dongan Sabagas niba mamio Amang (Amang poso).

• Boru ni Tunggane : Parumaen.  

• Dongan Sabagas ni anak ni Tunggane : Nantulang 

• Tu ginjang Tulang ni Ompung niba sarupo ma songoni jadi ima nanidokkon : Mora Mata Ni Ari

• Amang ni Dongan Sabagas niba : Tulang

• Inang ni Dongan Sabagas niba : Nantulang

• Amang/Inang ni Halakanggi dohot Angkang niba : Tulang/Nantulang

• Tulang/Nantulang ni Dongan Sabagas niba : Tulang/Nantulang (TULANG MULAK/DONGAN) mora ni mora.

• Anak ni Tulang Mulak : Tong do di dok Tunggane Hula Dongan.

• Boru ni Tulang Mulak : Boru Tulang Mulak (lango-lango)

D. TATA KRAMA – HAPANTUNON NA MARTUTUR

Ingot ma hita anso tongtong marhapantunon di parhataan dohot pangalaho di namangadopi sude nadibolus ni tutur na marbaso-baso ima : HALAKBAYO dohot HALAKANGGI, sude do nian ngolunta on angkon pantun, tar lumobi ma hapantunoni tu partuturan na dua on. 

Pantun do hangoluan, Tois do hamatean

• Amang/Inang ni Amang : Ompung Doli/Boru (Ompung Suhut)

• Amang/Inang ni Inang : Ompung Bayo

• Ompung Doli/Ompung Boru ni Amang : Amang/Aya Tobang - Inang Tobang

• Ompung Doli/Ompung Boru ni Ompung Suhut : Ompung Mangulahi.

Songoni ma tingkat ni partuturon di halak Batak Angkola, leng sian i do muse dibuat partuturon tu tingkat ni mora di halak Batak Angkola:

• Amang/Iboto ni Dongan Sabagas : Mora Silehen Boru

• Iboto ni Inang-Tunggane ni Amang : Mora Bako

• Iboto ni Ompungboru : Mora Pusako

• Iboto ni Ompung ni Amang : Mora Mata Ni Ari

• Iboto ni Inang ni Dongan Sabagas : Tulang Mulak (Tulang ni Dongan Sabagas)

Pege sangkarimpang hunik sahadang-hadangan

Mangangkat rap tu ginjang

Manimbung rap tu toru

Tongtong satahi saoloan.

Muda manjala tu sirumambe

Mandurung mada di topi-topi

Molo nasala rap hita pature

Nahurang rap hita tambai

Botima

Wassalamualaikum warohmatullohi wabarokatuh

# foto ilustrasi